CAF egungo merkatuaren beharrei erantzuteko egokitu ahal izan da, material mugikorrak ekoizteko lanean zenbait hamarkadatan lortutako esperientziari esker.
CAF trenbideko ibilgailuen mantentze-lan integralean lanean ari da 80ko hamarkadatik, bai lantegi propioetan, bai bezeroen instalazioetan. CAFek mantentze-lanak eta optimizazioa egiteko teknika berritzaileenak ezagutzen eta menderatzen ditu, eta haiek ezartzen ditu egiten dituen mantentze-lanetan.
Gainera, berme-garaian mantentze-lanetarako taldeak parte hartzen duenez, oso lantalde prestatuak osatzen dira.
Jarduerak:
- Mantentze-lan prebentiboa eta zuzentzailea
- Konponketa handiak
- Aldaketak eta hobekuntzak egitea
- Materialak kudeatzea
- Ustiatzen laguntzea
- Bideko laguntza
- Langileen prestakuntza
- Aholkularitza teknologikoa
- Mantentze-lanei laguntzeko informazio-sistemen etengabeko garapena
Helburuak:
- Ibilgailuen segurtasuna, fidagarritasuna eta erabilgarritasuna
- Bidaiarientzako informazioa, konforta eta erosotasuna
- Mantentze-lanen zerbitzuaren eraginkortasuna eta efizientzia
- Lehiakortasuna, malgutasuna eta erantzun-azkartasuna
- Ibilgailuen bizitza erabilgarria luzatzea
Mantetze-lanetarako itunak eta enpresak:
CAFek bezeroaren beharretara egokitzen du zerbitzua. Hala, modu independentean, partzuergo edo elkarte mistoak osatuz, nahiz bezeroarekin batera jardun dezake, erabiltzaileen gogobetetzea hobetu eta zerbitzuen emaitzak optimizatzeko.
Bestalde, mantentze-lanetarako teknologia eta estrategia berritzaileenak garatzeko eta ezartzeko, NEM Solutions mendeko sozietate teknologikoa du CAFek.
NEM Solutions sozietateak mantentze-lanei buruzko filosofia propioa du, a-maintenance edo automantentzea, mantentze prediktiboaren eta RCMaren bilakaera bat dena. Hala, ibilgailuaren eta mantentzailearen arteko interakzioa trenean egiteari bide ematen zaio, eta ibilgailuaren bizi-zikloa maximizatu eta mantentze-plan optimizatua bermatzen da.
NEM Solutions sozietateak produktu eta zerbitzu hauek eskaintzen ditu:
- Instrumentazio teknologikoa, ibilgailuei buruzko informazioa biltzeko bai ibilgailutik bertatik, bai puntu instrumentatu jakinetatik (handik igarotzen denean).
- Ezagutza sortzeko eta diagnostiko adimenduna eta objektiboa egiteko zerbitzu bereziak.
- Aholkularitza, prestakuntza eta laguntza mantentze-lana optimizatzen laguntzeko maila eta fase guztietan.
- www.nemsolutions.es
|
 |
|
